петок, 2 декември 2016  |  Вести денес: 64

Одбележан денот на пожарникарството

Во противпожарната станица во Автокоманда денеска беше одбележан 20 Мај – Денот на пожарникарството.

1019

Последни вести

Прославата почна со свечено постројување на скопските пожарникари, а командантот на Противпожарната бригада на Град Скопје, Благоја Менковски, поднесе рапорт пред секретарот на Град Скопје, Марјанчо Тодоровски. – Градот Скопје во континуитет вложува многу ресурси и енергија за опремување и модернизација на противпожарната бригада на Град Скопје. Во 2011 година за бригадата се набавени три нови противпожарни возила за гаснење пожари во урбана средина. Едното противпожарно возило е набавено од Градот Скопје, а две се донација од Владата на Република Македонија.

Градот Скопје за набавката издвои околу 13.600.000 денари. Изминатата година набавени се 2 превозни моторни пумпи за црпење вода со капацитет од 8.830 литри во минута, за што се одвоени 2 милиона денари, истакна Тодоровски.

Информира дека за оваа година е предвидена набавка на автоцистерна со капацитет од 16 кубни метри, а деновиве се гради и нов објект во општината Ѓорче Петров, каде што ќе бидат сместени полициска станица и новиот потцентар на Бригадата за противпожарна заштита.

Командантот Менковски изјави дека 2016 година ќе биде запаметена како значајна година за пожарникарството, пред се поради измените во Законот за пожарникарство, со кој конечно се решава статусот на професионалните пожарникари.

Со новитетите во овој закон, пожарникарите добиваат статус на овластени службени лица од областа на безбедноста, каде поради условите на работа, тежината, опасноста и штетноста по здравјето, согласно Законот за пензиско и инвалидско осигурување, стажот на осигурување ќе се смета со зголемено траење, односно за секои 12 месеци ефективна работа, ќе се сметаат како 15 месеци стаж на осигурување.

Најчитани вести