петок, 21 јули 2017  |  Вести денес: 53

Eден убиен и тројца ранети на концерт во Њујорк

111

Последни вести

Едно лице синоќа е убиено при пукање во салата „Ирвинг Плаза“ во Њујорк, каде раперот Ти Ај требаше да одржи концерт, додека уште три други се ранети, објави „Њујорк тајмс“.

Пукањето се случило во 22.15 часот во салата на Менхетен, во која има места за околу 1.000 посетители.

Полицијата информира дека 34-годишен маж бил прострелан во градите, а 33-годишен маж бил прострелан во стомакот. Едниот од нив подоцна починал во болница, но полицијата не прецизира кој.

Дваесет и шестгодишна жена била прострелана во ногата. Четвртиот ранет самиот побарал помош во болница.

Еден од очевидците изјавил дека раперот требало да излезе на сцената околу 21 или 21.30 часот, но тој воопшто не се појавил.

Засега нема уапсени во инцидентот, додаваат американските медиуми.

Најчитани вести