Белата куќа побара закон за блокирање пристап до воено оружје

Белата куќа побара од Конгресот, кој е под контрола на републиканците, да усвои закон со кој на екстремитите ќе им се оневозможи пристап до воено оружје, какво што е употребено во нападот извршен во неделата рано изутрина во геј клубот во Орландо.

– Постојат одредени работи поврзани со здравиот разум, кои Конгресот може да ги стори, а со кои би се отежнале можностите, кој било поединец да додје до воено оружје, изјави портпаролот на Белата куќа, Џош Ернест.

Тој додаде дека претседателот на САД, Барак Обама „е мошне исфрустриран, а во некои случаи и гневен поради неактивноста на Конгресот“.

Во масакрот во геј клубот во Орландо се убиени, 49 лица, а ранети се 53. Злосторството го изврши Американец со авганистанско потекло Омар Матин, кој во размена на оган со полицијата исто така е убиен.

Доколку преземете содржина од оваа страница, во целост сте се согласиле со нејзините Услови за користење.