среда, 30 ноември 2016  |  Вести денес: 0

Груевски на средба со американскиот конгресмен Бил Пасквел

Пасквел кој е еден од конгресмените со најдолг стаж во Американскиот конгрес искажал поддршка за македонските интеграции во НАТО, истакнувајќи дека државата заслужува да стане членка што побрзо

Претседателот на ВМРО-ДПМНЕ Никола Груевски на  средба со конгресменот од Њу Џерси Бил Пасквел

Претседателот на ВМРО-ДПМНЕ Никола Груевски на средба со конгресменот од Њу Џерси Бил Пасквел

Поврзани вести

Лидерот на ВМРО ДПМНЕ, Никола Груевски во рамки на посетата САД се сретна со конгресменот од Њу Џерси, Бил Пасквел со кого разговарал околу интеграцијата на Македонија во НАТО, зајакнувањето на македонско-американските односи и потенцијаталите за нивно интензивирање, информираат од партијата.

Груевски по средбата со Пасквел изјавил дека се разговарало за повеќе аспекти поврзани со Македонија, за предизвиците со кој се соочува и стратешките цели вклучувајќи го и членството во НАТО

„Можам да кажам дека од конгресменот Пасквел имаме одлична поддршка, него можеме да го вброиме во оние што се пријатели на Македонија, кои што и во минатото во многу наврати покажале и застанале зад Македонија. Го брифиравме за најновите информации и најновите состојби, заеднички споделивме идеи како понатаму да се продолжи, да се градат стратегиите околу нашите суштински интереси како држава. Можам да кажам дека беше одлична средба при што ќе ја продолжиме комуникацијата и во наредниот период“, изјави Груевски.

gruevski-paskvel2

Пасквел кој е еден од конгресмените со најдолг стаж во  Американскиот конгрес искажал поддршка за македонските интеграции во НАТО, истакнувајќи дека државата заслужува да стане членка што побрзо, при што и тој со своите капацитети ќе се вклучи во презентирањето на капацитетите кои ги поседува Република Македонија на тој план.

„Македонија припаѓа во НАТО алијансата. Македонија треба поскоро да стане членка во НАТО. Големите и малите држави треба да бидат членки на НАТО и ова е силна порака против секој кој  што има идеја да се спротивставува на членството на малите држави. Сакам Македонија да стане членка на НАТО и ќе направам се што можам, што е во моја сила и капацитет да направам тоа да се случи“, изјави Пасквел.

Тој осврнувајќи се на состанокот со претседателот на ВМРО-ДПМНЕ посочил дека се работи за продуктивна средба, и се надева дека Македонија по изборите ќе се врати на патеките на напредокот и ќе продолжи со економските достигнувања важни за граѓаните.

gruevski-paskvel1-640x360

„Одличен состанок, Груевски е многу отворен за соработка и луѓето од неговата делегација, јас имам одлично мислење и така гледам и на Македонија. Имате многу убави работи, а Македонија ќе биде и уште подобра и понапредна во годините што следуваат“, изјавил Пасквел.

Во изјавата Груевски се осврна и за целокупната посета на Соединетите Американски Држави при што изјави дека сите посети досега беа во еден позитивен дух.

„Се сретнавме со повеќе конгресмени, сенатори, други политички личности, со кој споделивме многу информации, дадовме детали за работи кои можеби доволно не ги знаеа, а со цел да помогнеме во остварувањето на стратешките цели на Република Македонија, зајакнувањето на односите со САД и секако нашата стратешка цел членство во НАТО, каде САД има клучно влијание, како и другите цели, вклучувајќи го членството во ЕУ и нашите планови за понатамошен напредок на Република Македонија“, изјави Груевски.

Најчитани вести