среда, 7 декември 2016  |  Вести денес: 6

Во третиот квартал помалку превезени патници во патниот превоз

Во третиот квартал годинава се превезени за 0,9 проценти помалку патници во патниот патнички превоз, споредено со третиот квартал лани, објави денеска Државниот завод за статистика. 

квартал

Поврзани вести

Според видот на превозот, бројот на превезени патници во градскиот превоз е зголемен за 0,5 проценти, во меѓународниот превоз за 13,4 проценти, а намалување има во приградскиот превоз за 0,8 проценти и за 10,5 проценти во меѓуградскиот превоз.

Според статистичките податоци, во однос на вториот квартал годинава, вкупниот број на превезени патници е намален за 20,5 проценти. Според видот на превозот, во градскиот превоз е забележано намалување за 19,9 проценти, во приградскиот превоз за 26,3 проценти, во меѓуградскиот превоз за 3,1 процент, а во меѓународниот има зголемување за 39 проценти.

Во третиот квартал годинава, во однос на истиот период од минатата година, вкупниот број патнички километри во патниот патнички превоз е зголемен за 1,2 проценти. Според видот на превозот, бројот на патничките километри во градскиот превоз е намален за 11 проценти во меѓуградскиот превоз за 9,9 проценти, додека во приградскиот превоз е зголемен за 17 проценти, а во меѓународниот превоз зголемувањето изнесува 8,6 проценти.

Во однос на вториот квартал годинава, вкупниот број на патничките километри е зголемен за 6,1 проценти. Според видот на превозот, во меѓународниот превоз е зголемен за 71,1 процент, во градскиот превоз е намален за 27,4 проценти, во приградскиот превоз за 10,9 проценти, додека во меѓуградскиот превоз намалувањето изнесува 0,1 проценти.

Најчитани вести