Спорт

„Селтикси“ го демолираа „Кливленд“ за водство во финалето

„Селтикси“ го демолираа „Кливленд“ за водство во финалето

Кошаркарите на „Бостон Селтикс“ ги декласираа „Кливленд Кавалирс“ во првиот натправар од финалето на Источната конференција, вчера во Бостон со 108:83, иако настапуваат без повредените Ка јл Ирвинг и Гордон Хејворт.

„Бостон“ во регуларниот дел од сезоната беше втор, а „Кливленд“ четврти, но гостите се фаворит во дуелот, пред се поради некомплетниот состав на „Селтикси“, како и поради неискуството на младите играчи, кои, пак,  играат фантастично во доигрувањето.

Натпреварот беше решен во првата четвртина во која Ал Хорфодр постигна десет поени за 36:18 во која по водството на „Клиперс“ од 7:5, „Бостон“ постигнаа 20-ина коша, а примија само 2. Домаќините одиграа фантастична одбрана, па Леброн Џејмс по неколку неуспешни обиди почна да асистира на соиграчите, но тие имаа лош шутерски ден. „Селтикси“ одиграа одлична одбрана и врз Кевин Лав, кој беше оставен да игра во рекетот, па изостанаа неговите кошеви од дистанца. Тој одигра и лоша одбрана врз Хорфорд во првите минути од натпреварот што беше доволно „Бостон“ да се одлепи. Домаќините само постепено ја зголемуваа предноста со одлична игра на Џејлен Браун и Џејсон Тејтум па на полувреме резултатот беше 61:35.

Гостите во првото полувреме имаа катастрофален шут од 0:13 за три поени, а Џејмс, подели седум асистенции. До крајот „Клиперси“ немаа решение за извонредната игра на домаќините, па гостите во четвртта четвртина играа со играчи од клупата за убедливи 108:83. Најдобри кај домаќините беа Браун со 23 коша и 8 скока и Маркус Морис со 21 поен и десет скока, но и одлично одиграна одбрана врз Џејмс. Хорфорд надополни со 20 поени и 4 скока, како и Тејтум со 16 поени, 6 сскока и 3 асистенции.
Кај „Клиперси“ најдобри беа Лав со 17 коша, 8 скока,  3 асистенци,  додека „кралот“ имаше 15 поени, со 7 скока и десет асистенциии, а Тристан Томпсон со 11 скоја и 8 поени.

Наредниот натпревар се игра истот така во Бостон во вторник.