понеделник, 22 мај 2017  |  Вести денес: 35

64 милиони евра од ЕБОР за експресен пат Штип-Радовиш

Нашата интензивна соработка со ЕБОР е показател на нашата посветеност за развој на инфраструктурата на националните патишта, рече Стојанов.

64 милиони евра од ЕБОР за експресен пат Штип-Радовиш

64 милиони евра од ЕБОР за експресен пат Штип-Радовиш

Последни вести

Штип и Радовиш ќе се поврзат со експресен пат, чија изградба ќе почне на почетокот на следната година. Финсиските средства во износ од 64 милиони евра се обезбедени од Европската банка за обнова и развој. Договорот за обезбедените финансиски средства денеска го потпишаа вицепремиерот и министер за финансии Зоран Ставрески, директорот за транспорт на ЕБОР Сју Барет, директорот за Западен Балкан во ЕБОР Холгер Муент и директорот на ЈП за државни патишта Александар Стојанов.

– Изградбата на патот ќе претставува модернизација на патната инфраструктура во источниот дел на Македонија и југоисточниот дел кој се надоврзува на автопатот од Скопје до Штип и изградбата на уште неколку патни правци кои или се започнати или се планира да се започнат. Меѓу другите, во првиот квартал од 2016 година ќе започне изградбата на патот од Штип до Кочани и од Кочани до Делчево. Околу Нова Година очекуваме да почне и изградбата на патниот правец до Прилеп делницата од Раец до Дреново. Се работи за значаен инвестициски циклус во патната инраструктура кој во 2016 година ќе изнесува над 200 милиони евра, рече Ставрески по потпишувањето и додаде дека подобрувањето на инфраструктурата е предуслов за економски развој и за подобрување на конкуреноста на економијата.

ставрески

Истакна дека заемот е одобрен под поволни услови со рок на отплата од 15 години, четири години грејс период и каматна стапка која во моментов изнесува 0,99 отсто.

Директорката за транспорт при ЕБОР Барет рече дека ова е 14. проект во транспортниот сектор во Македонија кој добива поддршка од оваа институција. Вкупно во транспортната инфраструктура имаме инвестирано 660 милиони евра, бројка, која, како што рече таа, ја покажува одличната соработка со Владата.

Според Барет, надградбата на оваа патна делница е значајна во контекст на регионална интеграција, бидејќи таа претставува важна врска кон Бугарија и се поврзува со новиот пат северно од Штип кон Пан-европските коридори 8 и 10. Ова, додаде, има значајни придобивки во смисла на мобилноста на граѓаните во Македонија, како и движењето на стоки и економскиот раст.

Директорот за Западен Балкан во ЕБОР посочи дека модернизацијата на патната инфраструктура ќе овозможи Македонија да стане попривлечна за странските инвеститори и ќе даде подобри извозни можности.

Муент посочи дека годинава поддршката од ЕБОР ќе достигне 140 милиони евра не само во транспортот, туку и во приватниот сектор, енергетиката и слично.

Директорот Стојанов истакна дека добрите патишта генерираат зголемен сообраќај, овозможуваат брз и економичен транспот и пред се придонесуваат за поголема безбедност во сообраќајот. Нашата интензивна соработка со ЕБОР е показател на нашата посветеност за развој на инфраструктурата на националните патишта, рече Стојанов.

ставрески1

Експресниот пат ќе биде во должина од 39 километри, со по една лента во двете насоки и со две ленти од двете страни за застанување. Ширината на коловозот ќе биде 11,4 метри. На патот ќе има 10 мостови и вијадукти, три натпатници, 34 пропусти и четири клучки.

Покрај овие 64 милиони евра ЈП за државни патишта доби и грант од 625.000 евра за реализација на проектот.

Најчитани вести