Спорт

Адеми: Баерн е многу моќен, Алаба е неверојатен фудбалер

Адеми: Баерн е многу моќен, Алаба е неверојатен фудбалер

Аријан Адеми и Динамо Загреб во вторникот се соочија со Баерн Минхен во рамките од второто коло од групата Ф, а Баварците со 5:0 го демолираа хрватскиот претставник.

Нашиот репрезентативец во интервјуто за спортскиот интернет портал Goal.com ги истакна своите впечатоци од германскиот гигант.

Едноставно Баерн е премногу добар. Тие се опасни од сите позиции. Уште од првиот гол ние немавме шанси да се вратиме. Откако сум во Динамо, а тоа е од 2012 година, имам играно против многу силни тимови, но тие се далеку назад во споредба со Баерн. Има голема разлика од поразите од Порто, ПСЖ, Динамо Киев бидејќи и тие ќе загубеа од Баерн, затоа немаме никаков проблем да го прифатиме тоа, изјави Адеми.

Адеми: Алаба е фудбалерот од Баерн Минхен кој најмногу ме импресионираше
Адеми: Алаба е фудбалерот од Баерн Минхен кој најмногу ме импресионираше

Тој додаде..

Никогаш не сум видел играч како Алаба. Сите играчи на Баерн се одлични, но Давид Алаба е најдобар, едноставно не сум видел таков играч! Неверојатно е тоа што го може. Левандовски дава голови, невозможно е да го сопреш Даглас Коста, но Алаба ме шокираше. Тој нема слабост, има одличен преглед, брз е, во дефанзивата е супериорен, едноставно може да ја игра секоја позиција на теренот. Атмосферата на натпреварот беше фантастична, најдобрата во мојот живот! Голема е честа да се игра на ваков стадион со ваква атмосфера, против таков опонент, заврши нашиот репрезентативец.