Според ова, на Адеми кој имаше позитивен допинг тест по дуелот со Арсенал од Лигата на шампионите, му се заканува суспензија од една до четири години.
Иако суспензијата никогаш не е добредојдена, оваа за Адеми ќе дојде во најлош момент, токму кога се очекуваше нашиот интернационалец да направи трансфер во некој од поголемите европски клубови.
Сеуште е нејасно која недозволена супстанца ја користел Адеми и дали тоа го правел на своја рака, бидејќи лекарскиот тим на Динамо е сигурен дека тој не ја добил во својот клуб.
Дисциплинската комисија на УЕФА ќе ја донесе одлуката за овој случај на 27-ми октомври, по што ќе знаеме повеќе детали. Според правилата, клубот и фудбалерот не смеат да коментираат до соопштувањето на одлуката, – велат од Динамо Загреб.
