Некогаш еден од најдобрите напаѓачи на светот, бразилскиот “бомбардер” Адриано, потврди дека ќе потпише за тимот на француски Ле Авр.
Подолг период се ширеа гласини за негов премин во Ле Авр, а дека гласините биле вистина, се пофали и самиот Бразилец со неколку фотки на социјалните мрежи.
“Среќен Божиќ на навивачите на мојот нов клуб Ле Авр. Среќен сум што сум тука и се радувам на новиот предизвик”, напиша на Твитер , робусниот напаѓач.
Ле Авр во моментов се наоѓа на 11-то место во француската Лига 2, а дали Адриано е вистинското решение за највисок пласман ќе покажат следниве неколку месеци.
