За време на молкот регистрирани се осум нарушувања и тоа на подрачјата на СВР Струмица-четири, СВР Куманово- две и по еден на подрачјата на СВР Битола и СВР Велес.
Инаку, молкот е нарушен со агитирање и поткуп на гласачи, пронајдени избирачки списоци и броеви на избирачки места, испишани графити и одземена лична карта.
По преземени мерки едно од нарушувањата на молкот е расветлено и од страна на СВР Струмица доставено е известување до ОЈО против четири лица поради основано сомнение дека се сторители кривични дела „злоупотреба на лични податоци“, „повреда на слободата на определување на избирачите“ и „поткуп при избори и гласање“.