Ахмети: Сме чекале 150 години, ќе почекаме уште неколку дена за Законот за јазици

Лидерот на ДУИ, Али Ахмети, вели дека што се однесува до него законот за јазици е усвоен и дека прашање на време е неговата конечност, пренесеМакфакс.

„Сме чекале 150 години, ќе почекаме уште неколку дена“, рече Ахмети на свечена академија по повод 10-годишнината од прогласувањето независност на Косово што се одржа во Скопје во организација на лидерот на ДУИ.

Законот за јазици заглави во Собранието, откако опозициската ВМРО-ДПМНЕ поднесе над 35.000 амандмани. Собранието пред десетина дена информира дека амандманите се преведени и архивирани.

„Со оглед на големиот број амандмани, потребно е тие да се разгледаат и да се постапи по нив во согласност со одредбите на Деловникот за работа на Собранието, по што законот за јазиците ќе биде разгледан“, соопштија од Собранието.

Доколку преземете содржина од оваа страница, во целост сте се согласиле со нејзините Услови за користење.