АХВ демантира дека уште кај три компании пронајдена листерија

„Непроверени и неточни се тврдењата изнесени во текстот “Уште кај три компании пронајдена листерија? ”, објавен во денешното издание на дневникот весник Вечер,“ реагираат од Агенцијата за храна и ветеренираство.

Според, нив,непримерно е да се шпекулира, а во јавноста да се пласира непотврдена информација и на таков начин да се внесува уште поголема заблуда кај потрошувачите, пласирајќи ја тезата дека три компании од месната индустрија на пазарот продаваат производи заразени со опасната бактерија листерија.

„Инаку, компаниите за кои се шпекулира се дел операторите кај кои беа детектирани позитивни мостри. Со извршената квантификација кај нив беше утврдено дека листеријата има во минимални количини, односно нивото е далеку под максимално дозволените концентрации од 100 колонии на грам предвидени со Правилникот за посебните барања кои се однесуваат на микробиолошките критериуми за храна (“Службен весник на Република Македонија” бр. 100/14), кој е усогласен со европските стандарди. Поточно концентацијата на листерија во нив изнесуваше помалку од 10 колонии на грам.Како одговорна институција за безбедноста на храната одговорно тврдиме дека станува збор исклучиво за шпекулација и истата најостро ја демантираме,“ додаваат од АХВ.