понеделник, 5 декември 2016  |  Вести денес: 13

АХВ: Енергетски пијалок не смеат да пијат лица под 18 години

Непочитувањето на предупредувањето кое е наведено во означувањето дека енергетскиот пијалок не смее да го пијат лица под 18 години е причина за влошувањето на здравствената состојба на тројцата малолетници од Скопје.

ахв

Поврзани вести

– Инспекциски служби на Агенцијата за храна и ветеринарство (АХВ) во текот на вчерашниот ден направија вонредна, дополнителна контрола кај операторот со храна производител на безалкохолниот пијалок кој во јавноста беше посочен како причина за наводно труење со храна на три малолетни лица во скопската населба Радишани, се вели во денешното соопштение од (АХВ).

Оттаму посочуваат дека е извршена контрола на HACCP планот кој го спроведува производителот, проверени се лабораториските анализи кои согласно HACCP планот има обврска да ги прави, при што не се констатирани недоследности. Пијалокот согласно важечките правила е соодветно означен.

Во конкретниов случај, како што истакнуваат од АХВ, не станува збор за небезбеден производ, ниту за труење со храна, туку за непочитување на означувањето од страна на лицата кои го консумирале безалкохолниот пијалок. – Причината, децата да се најдат во таква состојба е поради непочитување на предупредувањето кое е назначено во означувањето дека пијалокот не смее да го пијат лица под 18 години, се додава во соопштението.

Во рамки на редовните инспекциски контроли Агенцијата кај овој оператор извршил контрола пред два месеца. И тогаш, велат од АХВ, не биле констатирани недоследности во работењето, ниту отстапки во поглед на безбедноста.

Најчитани вести