Градоначалничката на Париз Ан Идалго најави дека Ајфеловата кула вечерва ќе биде осветлена во боите на белгиското знаме во чест на жртвите од серијата напади во Брисел.
Таа ги повика сограѓаните на мирен собир во 19:00 часот пред Собранието, во знак на солидарност со Белгија.
– Симболот на Париз ќе свети во црна, жолта и црвена боја со цел да се оддаде почит на жртвите, нивните сакани и целиот народ на Белгија, наведе Идалго во соопштението.
-Европа денеска е погодена во своето срце. Уште еднаш се нападнати нејзините основни вредности: слободата, хуманоста, толеранцијата и непоколебливата посветеност на демократијата, оцени градоначалничката на Париз.
Во трите експолозии кои утрово одекнаа во Брисел загинаа вкупно најмалку 34, а 170 лица се повредени.