Акцијата во Куманово се уште трае

Полициската акција во Куманово се уште е во тек, повремено се слушаат истрели и детонации од кај населбата „Тоде Мендол“, пренесува МИА.

Како што јавуваат дел од медумите, триесетина припадници на вооружената терористичка група и се предале на македонската полиција, но се уште нема официјална потврда од МВР.

Во Ургентниот центар во Скопје во текот на денот се пренесени дваесетина повредени полицајци.

Портпаролот на МВР Иво Котевски на прес-конференција во 14 часот информира дека терористичката група имала за цел да организира напади врз државни институции, а во Македонија влегла од една соседна држава.

– На нападот е одговорено исклучително внимателно и соодветно на ситуацијата. Апелираме граѓаните и јавноста да останат мирни, да се воздржуваат, а заради чувствителноста на ситуацијата во овој момент не би соопштувале дополнителни детали, рече Котески и најави дека МВР подоцна ќе излезе со целосни информации за преземените мерки.

Апели за смиреност и неподлегнување на провокации упатија и политичките партии, ЕУ, САД, Русија и ОБСЕ.

Доколку преземете содржина од оваа страница, во целост сте се согласиле со нејзините Услови за користење.