Ако Подгорица му се придружи на НАТО, Русија ќе ги прекине проектите во Црна Гора

Русија ќе ги прекине заедничките проекти во Црна Гора ако Подгорица му се придружи на НАТО, изјави денеска рускиот сенатор Виктор Озеров, пренесува РИА Новости.

Проектите кои може да бидат укинати ја опфаќаат и воената област, рече Озеров, кој е шеф на одборот за одбрана и безбедност на Советот на руската федерација.

Министрите за надворешни работи на Северноатланската алијанса ја повикаа денеска Црна Гора да му се придружи на НАТО и да стане 29-та земја – членка.