Холивудскиот актер Чарли Шин, кој многу добро е познат на јавноста по неговите бројни скандали, го испитува полицијата поради инцидентот во кој се обидел да го избоде стоматологот.
Некогашната ѕвезда на серијата „Два и пол мажи“ Чарли Шин, се наоѓа под истрага, бидејќи минатиот четврток го нападнал стоматологот во неговата ординација.
Порталот „ТМЗ“ пишува дека Чарли „пукнал“ во моментот кога стоматологот тргнал да му даде анестезија и извадил нож, што го потврдува и самиот стоматолог наведувајќи дека не се здобил со никакви повреди.
Тој додава дека припадник од обезбедувањето на Шин му рекол дека е на кокаин, па затоа малку „се изгубил“. Полицијата моментално води истрага за овој инцидент, а потоа најверојатно ќе биде покренато обвинение против него за напад со смртоносно оружје.