Македонија

Аква паркот од среда отворен за посетители

Аква паркот од среда отворен за посетители

На 10 јуни ќе биде отворен Аква паркот кој работи во склопот на спортскиот центар „Борис Трајковски“.

Посетителите и оваа сезона ќе можат да користат некој од десетте тобогани односно „бумеранг“, „спејс бал“, тобоганот со ноќни ефекти, базен со бранови, мрзлива река.

Аква-паркот ќе работи секој ден од 10 до 20 часот, а за безбедноста на посетителите и годинава ќе се грижат 36 спасувачи од Црвен крст.

Билетот ќе чини 300 денари, а ќе се нуди и фамилијарен пакет за четири лица за 1.000 денари. Влезницата за деца под 13 години ќе биде 200 денари, а влезницата за деца под 4 години бесплатна. За групни посети над 30 лица ќе има попуст од 30 проценти.

Во рамки на аква-паркот ќе работат и три кафулиња и еден ресторан.