Акварелите од Малиот принц следната седмица на наддавање

(AP Photo/Francois Mori)

Два акварела и оригинални цртежи од „Малиот принц“, славното златокосо момченце кој го создаде Антоан де Сен-Егзипери, ќе бидат понудени на наддавање во средата во француската престолнина Париз, објави во петокот аукциската куќа Artcuriel.

Овие два акварела коишто ги насликал францускиот пилот и писател, послужиле како илустрација за оригиналниот издание на „Малиот принц“. Еден е проценет на вредност меѓу 110.000 и 140.000 евра, а вториот меѓу 92.000 и 110.000 евра.

maliot princ 01

Двата акварела се оставнина од сопругата на присателот, Консуело де Сен-Егзипери.

Аукциската куќа на наддавањето ќе изложи и неколку писма напишани од Антоан де Сен-Егзипери, меѓу кои и едно од двете познати писма напишани пред неговата смрт до својот пријател Пјер Далоз. Писмото завршува со драматичните зборови „Ако умрам, апсолутно за ништи не жалам. Бев создаден да бидам градинар“.

maliot princ 02

Ова писмо е пронајдено на работната маса на Сен-Егзипери вечерта на денот на неговото исчезнување, а се проценува меѓи 15.000 и 20.000 евра.

Светскиот бисер во литературата „Малиот принц“ е планетарно популарно дело, коешто е преведено на 270 јазици во 1.300 изданија за повеќе од 145 милиони читатели.

Доколку преземете содржина од оваа страница, во целост сте се согласиле со нејзините Услови за користење.