понеделник, 27 март 2017  |  Вести денес: 7

Албанија распореди полиција на премини со Македонија и Грција

Околу 450 специјалци од Тирана, Скадар и Фиер се лоцирани на граничните премини Ќафасан на границата со Македонија, кај Струга

begalci

Последни вести

Албанските власти блиндираа пет гранични премини кон Македонија и Грција, поради можноста бранот бегалци да се пренасочи од Грција кон Албанија.

Околу 450 припадници на специјалната полициска единица за брзи интервенции од Тирана, Скадар и Фиер, лоцирани се на граничните премини Ќафасан на границата со Македонија, кај Струга, како и Капштица и Три Моста кај Корча, како и премините Какавија и Ќафа е Ботас кај Ѓирокастро, на границата со Грција.

– Полициските патроли постојано патролираат долж границата, и се во состојба на готовност и ја надгледуваат ситуацијата со цел евидентирање на секој случај на нелегално преминување од страна на сириски имигранти. Бидејќи соседните земји, Грција, Македонија и Бугарија ги затворија границите за бегалците постои опасност тие да ја сменат рутата кон Албанија, пишува електронското издание на весникот „Шекули“.

Според истиот извор во Албанија, три поранешни воени караули, се отворени за прифаќање на бегалци, но се верува дека тие не се доволни. Тоа и поради фактот што и ЕУ нема конкретна одлука за финансиска поддршка за справување со евентулен бран бегалци за земјите кои се соочуваат со тоа, констатира весникот.

Најчитани вести