Селвиназе Зендели, деветтоодделенка од училиштето „Перпарими“ во Голема Речица, Тетово, освои прво место во регионалните натпревари по македонски јазик во Тетово и четврто место во републичките натпревари во Прилеп, објави МИА.
– Чувствувам големо задоволство што го претставувам моето училиште по натпревари и за ова им се заблагодарувам на мојата наставничка Виолета Томеска и на другите учители што покажаа разбирање. Тестирањето воопшто не беше тешко, прашањата беа многу лесни – изјави Зендели за ТВ Арт Тетово.
Нејзиниот ментор, Виолета Томеска, е горда на резултатите на ученичката за која вели дека имала голем потенцијал.