Американците фрлаат околу 150.000 тони храна дневно или повеќе од 400 грама по човек, открива истражување објавено денес, во кое се истакнува дека најмногу се фрлаат овошје и зеленчук.
Храната која се фрла во корпа за ѓубре се одгледувала на околу седум отсто од американското земјоделско земјиште и илјадници милијарди литри вода се употребени за нејзиното производство. Храната што се фрла претставува 30 отсто од калориите што секојдневно ги консумира секој Американец.
Овошјето и зеленчукот претставуваат 39 отсто од сите продукти, по што следат млечните производи (17 отсто), местото (14 отсто) и житарките (12 отсто).
Најретко фрлана храна се чипсот, маслото, слатките и безалкохолните пијалаци.
Подобрите режими за исхрана се базирани врз поголемо учество на овошје и зеленчук, кои се фрлаат во поголемо количество од другите продукти – објаснува Мередит Мајлс, коавторка на истражувањето и асистентка на универзитетот во Вермонт.
Истражувањето се темели на официјални државни податоци и анкети за фрлањето храна меѓу 2007 и 2014 година, и известува за „значителното влијание“ врз средината и земјоделците.
Тој отпад одговара на жетва со над 350 милиони килограми пестициди и речиси милијарда ѓубриво секоја година“, тврди извор на истражувањето.
Како едно од можните решенија на проблемот се предлага обука на потрошувачите како подобро да ги подготват и чуваат свежото овошје и зеленчук и се предлага владата да усвои програми за спречување на фрлањето храна.
Главниот автор Зак Конрад од Канцеларијата за земјоделски истражувања во Северна Дакота истакна дека храната се фрла на неколку нивоа.