Американец уапсен во Северна Кореја за „непријателско дејствување“

Северна Кореја објави во средата дека во април уапсила американски наставник кој е осомничен за „непријателско дејствување“, во време кога односите меѓу Пјонгјанг и Вашингтон се на критично ниво поради севернокорејската нуклеарна и ракетна програма.

Ким Санг-Дук, познат и како Тони Ким, бил приведен на 22 април на аеродромот во Пјонгјанг, бидејќи „изведувал непријателски активности поради уривањето на Народна Демократска Република Кореја. Ким им е предаден на надлежните судски служби кои ги истражуваат неговите злосторства“, извести во средата севернокорејската службена новинска агенција KCNA.

Универзитетот за наука и технологија USTP во северкорејската престолнина објави да Ким е уапсен во моментот кога се подготвувал да ја напушти земјата откако неколку седмици предавал во оваа институција.

Универзитетот USTP, кој го основале христијанските евангелисти, е отворен во 2010 година и на него предаваат одреден број американски наставници. Тука се школуваат децата на севернокорејската елита.

Ким Санг-Дук е третиот американски државјанин кој е затворен во Северна Кореја.

Американската амбасадорка во Обединетите нации, Ники Хејли, апсењето го оцени како обид на севернокоејскиот водач Ким Џонг-ун да го употреби Американец како средство за притисок додека владеат тензиите на највисоко ниво меѓу Северна Кореја и меѓународната заедница поради нуклеарната и балистичката програма на Пјонгјанг. Хелји истакна дека Вашингтон се обидува да собере информации за ова апсење.

Доколку преземете содржина од оваа страница, во целост сте се согласиле со нејзините Услови за користење.