АМСМ: Сообраќајот тековен по влажни коловози

Сообраќајот на сите патишта низ Македонија се одвива без забрани, застои и ограничувања, по наместа влажни коловози. На повисоките и осојничави места можна е појава на голомразица.

АМСМ препорачува внимателно управување со возилата и почитување на поставената патна и сообраќајна сигнализација и на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.