Професор Оливер Андонов во своето гостување во отвореното студио на Сител телевизија, вчера истакна дека судбината на еден човек не е врзана со судбината на државата, потенцирајќи дека за да се заштити себеси Зоран Заев цела Македонија ќе ја стави во заложништво.
-Доведување на целата држава во состојба на заложништво преку неутврдени факти да се понесе политичка одговорност е дегутантно. Не смееме да си играме со таа работа. Во неколку наврaти потенцирав дека е неопходно да имаме правна разрешница за да знаеме што е фактичката состојба од она што Заев го презентираше во јавноста. Судбината на еден човек не е врзана со судбината на државата. Тоа е многу погрешна теорија, изјави тој.
Андонов истакна дека за да се заштити себеси, Заев сите ќе не стави во заложништво и ќе ја врзе државата со неговите судбински решенија во некои клучни периоди.