понеделник, 24 јули 2017  |  Вести денес: 6

Аневски: Јанева исклучила двајца обвинители без решение и постапка

Специјалната јавна обвинителка денес поднесуваше отчет за сработеното пред Советот на јавни обвинители.

petar-anevski-640x294

Поврзани вести

Специјалната јавна обвинителка денес поднесуваше отчет за сработеното пред Советот на јавни обвинители. Како што информира претседателот на Советот Петар Аневски, за време на седницата било утврдено дека Јанева ги исклучила обвинителите Лејла Кадриу и Марија Ѓоревска од нејзиниот тим без никакво решение и постапка.

Ќе се формира комисија за испитување на случајот на исклучување на обвинителите

Кадриу и Ѓоревска на 20 овој месец дошле кај Аневски, како што рече, видно вознемирени и револтирани за начинот на кој биле избркани од СЈО, пренесува МИА.

На Кадриу и Ѓоревска им било речено дека треба да ги предадат предметите, да ја испразнат канцеларијата и да се сместат кај полицајците. Тоа тие не го прифатиле, рече Аневски.

Тој додаде дека вчера до Советот пристигнало писмено известување од специјалната јавна обвинителка спротивно на тврдењето на Кадриу и Ѓоревска, дека тие сами побарале да заминат и дека заради намален обем на работа било одлучено овие две обвинителки да се отстранат, истакна Аневски и додаде дека тоа не е во ред.

Советот во врска со ова формирал комисија која ќе ја предводи Сашо Василевски која ќе го испита овој случај по што ќе се донесат заклучоци.

Аневски рече дека не знае на кои предмети работеле овие две јавни обвинителки. Посочи дека ќе ја повикаат Јанева деновиве во Советот за да разговараат за овој  случај.

Да се расчистат нејаснотиите околу предадените материјали

На денешната седница членовите на Советот за јавни обвинители расправале за работата на Специјалното јавно обвинителство и за тоа како постапило во случајот со предавањето на материјалите од незаконското прислушување од страна на лидерот на СДСМ, Зоран Заев.

Нас не интересира колкав е бројот на примени предмети и дали има записник за нив, рече Аневски и додаде дека Советот донел одлука од СЈО да побара во најкраток можен рок да им достават одговор на нивните прашања со цел да се расчистат нејаснотиите околу примените материјали.

Најчитани вести