Спорт

Пред двата контролни натпревари Ангеловски не го менува тимот што победува

Ангеловски не го менува тимот што победува

Фудбалската репрезентација на Македонија овој месец треба да одигра две контролни средби, со Финска и со Азербејџан на 23 и на 27 март, во Анталија, Турција. Селекторот на Македонија, Игор Ангеловски го објави списокот за двата теста во Анталија и порача „Тоа што е добро не се менува“. Селекторот ги повика сите оние кои беа стандардни во 2017 година, а единствената иземена е враќањето на Дејан Илев, младиот голман на Арсенал,на местото на повредениот Дејан Митов Нилсен.

„Пред нас е една исклучителна година и настапот во Лигата на нации. Не планирам драстични промени, нема да експериментирам. Минатата година беше добра и задоволен сум од учиникот на сите репрезентативци. Тоа што е добро не се менува. Исто така, сакам дополнително да се воиграме за да можеме да го освоиме првото место во Лигата на нации”. Ги следам сите фудбалери, и стојам зад изборот кој го направив. Овие фудбалери кои се повикани се подобри од другите – вели Игор Ангеловски..

Составот на Македонија за контролните средби во Анталија:

Голмани: Столе Димитриевски, Дејан Илиев

Одбрана: Стефан Ристовски, Ѓоко Зајков, Кристијан Тошевски, Кире Ристевски, Дарко Велковски, Висар Муслиу

Среден ред: Аријан Адеми, Енис Барди, Стефан Спировски, Бобан Николов, Езгјан Алиоски, Марјан Радески, Ферхан Хасани

Напад: Горан Пандев, Илија Несторовски, Александар Трајковски, Иван Тричковски