Антиќ одличен во поразот на Атланта од Детроит

По победа над Индијана, тимот на Атланта во чии редови настапува македонскиот кошаркар Перо Антиќ претрпе пораз во НБА лигата од Детроит со 102:95.

Антиќ повторно беше на висина на задачата со 13 поени и девет скокови. Шестмина кошаркари на Атланта имаа двоцифрен учинок меѓу кои најефикасен беше Пол Милсап со 24 поени.

Во победничкиот тим предводеше Родни Стаки со 29 поени, а Монро постигна 21 поен. Со овој пораз Атланта останува на осмата позиција на Истокот која води во плеј-оф разигрување.

Резултати: Атланта – Детроит 95:102, Мајами – Бруклин 87:88, Минесота – Сан Антонио 110:91, Јута – Далас 83:95, Сакраменто – Оклахома 92:107, ЛА Лејкерс – Хјустон 130:145

Доколку преземете содржина од оваа страница, во целост сте се согласиле со нејзините Услови за користење.