Македонија

Апелација потврди, три години затвор за Вранишковски

Апелација потврди, три години затвор за Вранишковски

Скопскиот Апелациски суд ја потврди пресудата за случајот „Расколник“ во кој е обвинет расчинетиот владика Јован Вранишковски.

Според првостепената пресуда, Вранишковски беше осуден на казна затвор од три години за перење пари.

Апелација ја одби жалбата на Вранишковски како неоснована. И за останатите обвинети следбеници на православната охридска архиепископија меѓу кои и неговата мајка и сестра е потврдена казната од Основниот суд, односно се прогласени за виновни за истото дело перење пари за што добија условни затворски казни од две години.

Според обвинението, Вранишковски и неговите соработници преку купување имот проневериле околу 240 илјади евра во периодот од 1998 до 2002 година.

За истиот случај одговараше и пред Велешкиот суд каде доби казна затвор од две и пол години.

Ослободувањето на расчинетиот владика Јован Вранишковски беше поставено како услов од Српската православна црква за продолжување на преговорите со МПЦ.