ТОП,Македонија,Крими хроника

Апсолвентката од Скопје ќе се брани од слобода за чедоморството

Апсолвентката од Скопје ќе се брани од слобода за чедоморството

Апсолвентката од Скопје која го роди своето бебе на Табановце, а потоа го фрли во корпа за отпадоци, ќе се брани од слобода. Како што пишува Дневник, 23-годишната Т.И. од Економскиот Факултет во Скопје ќе се брани за грозоморното дело од слобода.

Девојката која веќе била во 7/8 месец од бременоста заминала на екскурзија со пријателите. На Табановце почуствувала силно сечење во стомакот. Се пожалила на другарите и побарала таблета. Се напила Рапидол, а откако болките станале неподносливи, отишла во тоалетот.

Таму, додека стоела над ВЦ школката ја забележала главата на бебето кое почнало да излегува. Бебето следниот момент паднало, а студентката наместо да побара помош, ја пресекла папочната, и иако било живо, го фрлила во корпа за отпадоци и го покрила со тоалет. Потоа бебето починало.

Настанот го открила хигиеничарката која го чистела тоалетот наредниот ден. Таа се згрозила и пријавила во полиција.

Според Кривичниот законик, ако се докаже дека е виновна студентката, може да добие од три месци како најниска казна, до три години затвор, за убиство при раѓање дете.

Настанот се случил на 29 март.