Клупскиот доктор на новиот шампион на Шпанија, потврди дека повредата која турскиот интернационалец Арда Туран ја заработи на последниот првенствен натпревар против Барселона не е од посериозен карактер и дека одличниот играч за врска ќе биде во комбинација за финалниот натпревар од Лигата на шампиони.
„Станува збор само за оток во пределот на мускулот, добро е што не е ништо посериозно. Арда веќе оваа седмица ќе може да тренира со остатокот на тимот, така што неговиот настап во финалето в сабота не е доведено во прашање“, изјави клупскиот доктор.