Аргентина повторно киксираше, ниту магиите не им помогнаа на Перуанците против Чиле

Вилиан игра во животна форма - му донесе победа на Бразил

Светскиот вицешампион Аргентина повторно киксираше,  откако по поразот од Еквадор, овој пат одигра без голови на гостувањето против Парагвај.

Аргентинците немаа решение без повредените Лионел Меси и Серхио Агуеро, иако Тевез имаше неколку убави можности за гол. Во следното коло Аргентина ќе игра со големиот ривал, Бразил.

А Бразилците, пак, во Форталеца славеа против Венецуела со 3:1. Херој на “кариоките” беше Вилијан, кој игра во животна форма. Фудбалерот на Челзи постигна два гола, а еден запиша Рикардо Оливеира.

Во преостанатите две средби, Уругвај на домашен терен беше убедлив против Колумбија победувајќи со 3:0 со головите на Годин, Ролан и Ернандес, а на дуелот меѓу Перу и Чиле, во голеадата Чилеанците славеа со 3:4.

Ниту “црните магии” против Алексис Санчез не им помогнаа на Перуанците да извлечат поволен резултат против фаворитот.

Доколку преземете содржина од оваа страница, во целост сте се согласиле со нејзините Услови за користење.