Ние сме 10 години на терен и меѓу граѓаните. Десет години раководиме со институциите и имаме можност од прва рака да ги слушнеме и видиме потребите на граѓаните,истакна денес Марта Арсовска Томовска од ВМРО-ДПМНЕ во Струга каде оствари средба со граѓаните.
-Политиките кои ги креираме се решенија за реалните потреби и барања и затоа нашата програма е реална и издржана. Проектите од нашата програма не се стари и веќе видени, и што е најважно не се утопистички и имагинарни. Ние не даваме лажни ветувања дека ќе ги укинеме даноците, а истовремено ќе ја укинеме партиципатицијата во здравството и ќе обезбедиме двојно поголема минимална плата. Тоа за секој што барем малку разбира економија е невозможно и теоретски и практично. Ние сме реални луѓе и луѓе од збор, затоа ќе победиме, посочи Арсовска Томовска.
