Атлетико убедлив, Коста се врати со погодок

Фудбалерите на Атлетико Мадрид направија голем исчекор кон пласманот во четвртфиналето шпанскиот куп откако во првиот дуел од осминафиналето на гостувањето го совладата третолигашеот Леида Еспортиа со 4:0.

Головите за „јорганџиите“ ги постигнаа Диего Годин во 33, Фернандо Торес во 37, Диего Коста во 69 и Антоан Гризман во втората минута од судиското продолжение. Реваншот ќе се одигра на 9-ти јануари.

Бразилецот со шпански пасош Диего Коста е повратник во Атлетико откако четири години мина во редовите на Челзи. Во јули 2014 година тогаш замина за 40 милиони евра, а сега се врати за 65 милиони евра. Во дресот Атлетико постигна 64 голови, а во средата го постигна 65-от.

Доколку преземете содржина од оваа страница, во целост сте се согласиле со нејзините Услови за користење.