вторник, 25 јули 2017  |  Вести денес: 1

Авионот „Солар импулс 2“ слета во Њујорк

avion

Последни вести

Експерименталниот авион на соларен погон „Солар импулс 2“ денеска слета во Њујорк, во последната фаза од својот пат околу светот.

Авионот од швајцарско производство прелета над Статуата на слободата и влезе во градот пред да слета изутринава на њујоршкиот меѓународен аеродром „Џон Ф. Кенеди“.

„Солар импулс 2“, кој има за цел да промовира чиста енергетска технологија, доцна синоќа полета од аеродромот во Пенсилванија, пренесува МИА.

Според првичниот план, експерименталното летало требало кон „Големото јаболко“ да тргне в понеделник, но поради поројните дождови и бурата со грмотевици во оваа област морало да остане приземјено.

Во рекордниот обид да го обиколи светот без ниту една капка гориво, авионот на соларен погон тргна на своето прво патување во март од Абу Даби, а во текот на летот ги посетуваше Оман, Мјанмар, Кина и Јапонија.

Најчитани вести