Свет

Австрија и Словенија ќе подигнат огради на границите

Австрија и Словенија ќе подигнат огради на границите

 

Словенечкиот премиер Миро Церар денес изјави дека Словенија ќе подигне ограда на границата со Хрватска ако не запре бранот мигранти.

Тој по состанокот на словенечкиот национален совет изјави дека Словенија е подготвена веднаш да постави ограда иако на состанокот во Брисел за „балканската рута“ договорена е подобра соработка меѓу земјите кои се справуваат со бегалската криза.

– Ако биде неопходно, подготвени сме во ист момент да подигнеме ограда, посочи Церар.

Изјавата на словенечкиот премиер уследи откако подигнување на ограда на границата најави Австрија.

– Се работи за обезбедување на уредно, контролирано влегување во нашата земја, а не за затворање на границата, изјави австриската министерка за внатрешни работи Јохана Микл-Лајтнер.