Австриски „Текспорт“ донираше опрема за пожарникарите од Виница

Пожарникарите во територијалната протривпожарна единица од Виница од денеска добија нова опрема донација од Омбер Шнајдер, сопственик на австриската текстилна компанија „Текспорт“ која работи во индустриската зона во Виница.

– Компанијата почна со работа минатата година, и во неа се вработени 150 луѓе. Денес на дело покажаа дека се општествено одговорна компанија која соработува со општината и ги следи потребите и на единицата за противпожарна заштита, истакна градоначалникот Емил Дончев.

За командирот на ТППЕ Станко Спасов, опремата е од особено значење бидејки таа е комбинирана за интервенции во пожари, поплави, сообраќајки, за интервенции на отворен простор и сл.

Австриската текстилна компанија „Текспорт“ со работа во индустрикста зона во Виница стартуваше  минатата година како странска инвестиција со капацитет за 200 вработени. Како текстилна компанија со фабрики во повеќе земји, заштитен бренд им е шиењето на висококвалитетна опрема за пожарникари која се извезува во повеке земји  ширум светот.

Доколку преземете содржина од оваа страница, во целост сте се согласиле со нејзините Услови за користење.