Македонија

Бакрачески на меѓународна конференција за бегалската криза

Бакрачески на меѓународна конференција за бегалската криза

Градоначалникот на Охрид, Никола Бакрачески учествува на меѓународната конференција за градоначалници посветена  на бегалската криза.

На дводневната работна средба, што вчера и денес се одржува во Виена, Австрија, најбројни се  градоначалниците од земјите погодени од кризата  со бегалците, а учествуваат и експерти, претставници од невладиниот сектор и бегалци. Се очекува да се понудат мерки, конзистентни политики и решенија кои ќе бидат спроведливи  во земјите погодени од бегалската криза. Заклучоците  засновани на начелата на демократијата и човечките права ќе бидат адресирани на национално и интернационално ниво.

На конференција чиј покровител е „Кахане“ фондацијата од Австрија, учествуваат градоначалници, заменици градоначалници и претставници  на локални самоуправи од повеќе европски  и азиски земји.