Генералниот секретар на Обединетите нации Бан Ки-мун оцени дека градењето бариери нема да ја реши бегалската криза во Европа и ги повика политичките лидери да ја следат германската канцеларка Ангела Меркел во борбата со актуелната криза, пренесува Танјуг.
Во интервјуто за весникот „Билд“ ,Бан Ки-мун нагласи дека „градењето на ѕидови, дискриминацијата или враќањето на луѓето не се одговор на проблемот“.
Бан исто така, го пофали „хуманото политичко водство“ на германската канцеларка во борбата со бегалската криза и ги повика останатите политичари да го следат нејзиниот пример.
Тој одби да ги коментира шпекулациите дека Меркел може да биде именувана за негов наследник на чело на ОН откако ќе истече неговиот втор мандат на 31 декември оваа година.