Фудбалскиот клуб Барселона на својата официјална интернет страница објави дека на мечот со Депортиво Ла Коруња фудбалерите ќе носат посебни дресови во чест на Чави.
Тоа е последниот меч за оваа сезона во шпанската Примера, а Чави Ернандес вчера објави дека по завршувањето на годинешното првенство го напушта каталонскиот тим.
Тој во иднина ќе настапува за катарски Ал Сад, а во Барселона помина цели 24 години.
Во негова чест на мечот со Депортиво, кој се игра во сабота, фудбалерите на Барселона ќе носат посебни дресови, а до клупското лого ќе пишува “Ти благодариме Чави, 23-ти мај 2015”.
