Магазин

„Баскерфест 2014“ низ цела Македонија

„Баскерфест 2014“ низ цела Македонија

 

 

Од денеска започнува деветтото издание на уличниот театар под отворено небо „Баскерфест 2014“, кој ќе се одржува во 21 општина.

Официјалниот старт е вечер на градскиот плоштад „Македонија“ во Скопје. Градот ќе биде домаќин од 6 до 15 јуни, а целата турнеја ќе трае до 30 јуни со затворање во Охрид, Дојран и Битола.

Улични претстави ќе има и во Кочани на 30 и 31 мај, Велес на 6 и 7 јуни, Свети Николе 7 јуни, Чешиново-Облешево на 10 јуни, Кавадарци на 13 и 14 јуни, Радовиш 14 јуни, Неготино 18 јуни, Виница 19 и 20 јуни, Берово, Македонска Каменица и Прилеп на 20 и 21 јуни, Крива Паланка, Пехчево и Тетово 21 јуни, Крушево 22 јуни, Дојран од 27 до 30 јуни, Ресен 28 јуни, Охрид 28 и 29 јуни, Делчево 29 јуни и Битола на 29 и 30 јуни.

Новитет годинава се ноќните официјални афтер парти забави на фестивалот кои ќе се одржуваат низ најголемите клубови во државата, а на кои ќе учествуваат и дел од баскер изведувачи, како и познати диџеи од Македонија и странство.

Овојпат Македонија ќе биде домаќин на повеќе од 150 артисти, музичари и театри од целиот свет, од Јапонија до Канада преку Нигерија, па се до Нов Зеланд.