„Белата вдовица“ обучува жени-камикази за ИД

Саманта Лјутуајт е 30-годишна Британка од Ајлесбор, која последните 2 ипол години ги поминала во бегство од законот.

Таа е поврзана со терористички акти во Источна Африка, мајка е на четири деца и сопруга на едниот од камиказите во нападите во метрото во Лондон кој воедно е обвинет за планирање на бомбашки напади во Кенија од 2011 година.

Денес Саманта се грижи за обука на жените во централата на Исламска држава, а во своите кругови е позната како “Бела вдовица”.

Имено, таа ги учи екстремистите како да се манипулираат западните медиуми.

Саманта е толку почитувана во групата дека исламистите ја нарекуваат “Специјалната”.

„Белата вдовица“ е женска варијанта на Јозеф Гебелс (министер на пропагандата и информациите во нацистичка Германија), вели извор за весникот Дејли стар.

Лјутуајт која го прифатила исламот на 17-годишна возраст и е идентификувана и како главен врбовник на Ал Каеда во Источна Африка и е официјален портпарол на терористите од Ал Шабаб.

Ал Шабаб организираа потресен атентатво трговскиот центар во кенискиот главен град Најроби минатата година, при што загинаа 67 лица.

Доколку преземете содржина од оваа страница, во целост сте се согласиле со нејзините Услови за користење.