недела, 23 април 2017  |  Вести денес: 26

Берлин и Анкара во конфликт за прославата на Божик

133491998

Последни вести

Германското Министерство за надворешни работи остро ја критикуваше одлуката на турските образовни власти да забранат прослава на Божик и пеење на божиќни песни во германското средно училиште во Истанбул, јави дописникот на МИА од Берлин.

– Не ја разбираме неочекуваната одлука на училишната адинистрација, се вели во реакцијата на германското Министерство.

Според германската новинска агенција ДПА, минатата недела управата на германското средно училиште, основано пред 100 години, објави дека „божиќните традиции и пеењето божиќни песни веќе не се дел од наставната програма“.

Во исто време откажан е и настапот на улилишниот хор на традиционалниот божиќен концерт во Истанбул.

Германското Министерство во својата реакција неведува дека жали за одлуката и најави дека ќе разговара со своите турски партнери за инцидентот.

Германското училиште преку својот веб сајт ги отфрли обвинувањата од Берлин дека вовело забрана за прослава на Божик.

Во училиштетото кое добива финансиска поддршка од Германија работат 35 германски наставници, а поголем дел од учениците се Турци.

Најчитани вести