Македонија

Бесими во посета на Брисел

Бесими во посета на Брисел

Вицепремиерот задолжен за европски прашања Фатмир Бесими престојува во дводневна посета во Брисел, кадe што ќе учествува на конференцијата „Балкански партнерства – Зајакнување на врските на регионот“ организирана од тинк-тенк групата „Пријатели на Европа“ (Friends of Europe).

На конференцијата ќе учествува и комесарот за проширување и соседска политика Јоханес Хан како и други високи претставници на земјите од регионот.

Како што соопшти СЕП, во рамки на  дводневната посета вицепремиерот Бесими ќе се сретне со Мирослав Лајчак министер за надворешни работи и европски прашања на Република Словачка, која е следен претседавач  со Европскиот  совет по Кралството Холандија, како и со еврокомесарот за проширување Хан и известувачот за Република Македонија во Европскиот парламент Иво Вајгл.