Свет

Биланс од нападот во Ница: 84 мртви, 202 повредени

Биланс од нападот во Ница: 84 мртви, 202 повредени
Јавниот обвинител на Париз, Франсоа Молин изјави дека во нападот со камион во Ница убиени се 84 лица, од кои 10 се деца и младинци.

Тој додаде дека не е конечен бројот на жртвите од синоќешниот напад во Ница, јави дописникот на МИА од Париз.

Молин истакна дека бројот на загинатите може да се зголеми, со оглед дека од 202 повредени лица. 52 се во критична здравствена состојба, од кои 25 се на реанимација.

Претходно, Интерпол соопшти дека испратил екипа во Ница. Во тимот на Интерпол вклучени се специјалисти за тероризам, како и експерти кои можат да извршат брза проверка во базите на податоци.

Тимот на Интерпол, исто така, ќе пружи помош и во идентификација на жртвите од нападот меѓу кои има и странци.