Спорт

Билетите за Вардар-Веспрем од денеска во продажба

Билетите за Вардар-Веспрем од денеска во продажба

Сите заинтересирани кои сакаат да бидат дел од дерби натпреварот од третото коло на група Ц од ЕХФ Лигата на шампионите меѓу досега непоразените Вардар и Веспрем, на 15 ноември, од денеска (вторник) може да купат и поединечен билет за истиот натпревар.

За поединечна продажба се останати околу 1.000 билети, во блоковите за седење. Тие ќе бидат по цена од 350 денари. Дополнително ќе бидат пуштени и околу 600 билети за стоење во дел од секторите каде за тоа има место, а нивната поединечна цена ќе биде 120 денари.

Билетите може да се купат од вторник од 12 часот на билетарницата на СЦ „Јане Сандански“ или он лајн преку продажната мрежа на MKtickets.mk. Работно време на билетарницата во СЦ „Јане Сандански“ е од 9 до 21 часот секој работен ден.