Битолчанец се обидел да прегази сообраќаец

Битолчанец, ноќеска околу 1.15 часот на улицата „Александар Македонски“ во Битола, не сакал да застане на знак „стоп“ на сообраќаецот и се обидел да го прегази со огромна брзина.

Полицаецот успеал да се тргне од коловозот, а дваесет и двегодишниот битолчанец изгубил контрола над автомобилот „БМВ“ и за да не удри во службеното полициско возило „шкода јети“ бил принуден да застане.

Откако застанал излегол од возилото и го нападнал полицаецот. Увид на местото на настанот извршила увидна екипа од СВР Битола. Осомничениот бил приведен во ПС ОН-Битола и против истиот ќе биде поднесена соодветна кривична пријава.

Доколку преземете содржина од оваа страница, во целост сте се согласиле со нејзините Услови за користење.