Проф. Арне Бјорнберг, раководител на европскиот здравствен потрошувачки индекс, во гостување на телевизијата RTE, националниот сервис во Ирска, говори за македонскиот електронски систем во здравството – МојТермин, пишува Здравство24
На прашањето што би направил кога би го раководел ирскиот здравствен систем, проф.Бјорнберг истакнува дека првото нешто што би го направил е имплементирање на електронскиот систем во здравството по примерот на МојТермин.
Бјорнберг потенцира дека Македонија е единствена земја која ги намали листите на чекање за закажување прегледи/снимања, со тоа што системот е отворен за секој матичен лекар и секој лекар може по електронски пат да закаже специјалистички преглед или снимање, додека пациентот е се уште во ординацијата.
Проф.Бјорнберг е лидер на проектот “европски здравствен потрошувачки индекс“, како и претседател на организацијата Health Consumer Powerhouse, која од 2005 година врши рангирање на европските здравствени системи во рамки на европскиот здравствен потрошувачки индекс.