Меѓународната фудбалска асоцијација ФИФА на свеченоста во понеделникот вечерта во Лондон ги објави имињата на играчите кои го сочинуваат најдобриот тим годинава, а меѓу нив дури пет се членови на европскиот шампион мадридски Реал, а според националноста Бразилците се најбројни со тројца претставници.
Најдобрите единаесетмина во изборот на ФИФА ги избираат токму самите играчи и со тоа ова признание е уште позначајни бидејќи доаѓа од колегите професионалци.
На голот на идеалниот тим е Џанлука Буфон (Италија, настапува за Јувентус).
Во одбраната се Дани Алвеш (Бразил, Јувентус и ПСЖ), Леонардо Бонучи (Италија, Јувентус и Милан), Серхио Рамос (Шпанија, Реал Мадрид), и Марсело (Бразил, Реал Мадрид).
Во средниот ред се Лука Модриќ (Хрватска, Реал Мадрид), Тони Крос (Германија, Реал Мадрид) и Андрес Иниеста (Шпанија, Барселона).
Во нападот се Лионел Меси (Аргентина, Барселона), Кристијано Роналдо (Португалија, Реал Мадрид) и Нејмар (Бразил, Барселона и ПСЖ).
